عشان تعرف دكتور إتش بجد... لازم أرجع معاك لبداية الحكاية.

الحكاية بدأت بمشكلة... مشكلة مع الطريقة اللي بنتعلم بيها طب الأسنان.

من حوالي 15 سنة، كنت طالب زيك ويعيش نفس مشاكلك دلوقتي. كنت شايف طب الأسنان صعب مشاكلك في الفهم والحفظ، ومحتاج مجهود كبير عشان تنجح... وطول الوقت متوتر وقلقان.

وصل بيا الضغط إني مكنتش حابب الكلية أصلاً، ومدخلتش امتحانات سنة أولى وقعدت سنة كاملة في البيت.

فعشان أقولك إني فاهمك؛ ده مش مجرد كلام... أنا عشت ده قبلك.

التوهان، ضغط المنهج، الزنقة قبل الامتحان، والسؤال اللي دايما في دماغك: أبدأ منين؟ أفهمها إزاي؟ وإيه المهم فعلاً؟

بدأت أشرح لزمايلي والدفعات الأصغر مني، واكتشفت إن نفس المشاكل اللي عشتها... كلنا تقريبًا بنعيشها.

وساعتها سألت نفسي:

طب ما أنشر الطريقة اللي وصلت لها وأساعد بيها غيري؟

ومن شرح بسيط بين الطلبة...

بدأت حكاية DR.H Interactive Dentistry.

أنا مش بحكيلك حكايتي عشان أقولك أقصى لفين وصلت.

بحكيهالك عشان أقولك إن البداية عمرها ما بتحكم على النهاية.

ومن 2018 وأنا وسط آلاف طلبة أسنان؛ شرحت لآلاف الطلبة وشوفت نفس الرحلة معاهم.

عشان كده أنا مش فاهم بس... أنا فاهمك إنت، وفاهم المشاكل اللي بتواجهك.

ومش هدفي أديك محاضرة وأسيبك؛ هدفي أكون أفضل معاك لحد ما أشوفك دكتور أسنان فاهم، واثق ومتمكن.

إنت مش لوحدك... إحنا دايمًا معاك ❤️.